المخرج والنائب خالد يوسف عبر حسابه الرسمي على إنستجرام – الإثنين 6 أبريل 2020
١- من تأملات #كورونا
طول عمري نفس الاقي وقت واقرا الكتاب الفلاني علي بعضه من غير ظرف يضطرني لقطع الوصل معه ..نفسي الاقي وقت واتفرج علي الافلام دي من غير ماتليفون او حد يقطع استمتاعي بالمشاهدة ..ياااه نفسي في وقت كده ساعتين علي بعض اقعد اسمع قطعة المزيكا دي ..نفسي اخد دوش وماكونش متسربع عشان لازم اروح ميعادي ….الخ الخ
كان نفسي في حاجات كتيرة وجاءت جائحة كورونا واجبرتنا علي البقاء في البيوت وكل الشغل والممارسات الطبيعية للحياة …كله عليه (هولد) فمكنتني كورونا من فعل كل تلك الاشياء التي تمنيتها بل وتمكنت من فعلها مرة واتنين وعشرة ولم اشعر بطعمها ولم استمتع كما كنت استمتع بها عندما كانت تحين الفرصة وسط ايقاع الحياة الطبيعي ..ووجدتني اتأمل لماذا لم استمتع كما كنت استمتع من قبل وغصت في تحليلات كثيرة لكني وجدت ان اقرب التحليلات الي الصحة تتلخص في #الحريةوالايقاع ومابينهما من هارموني ..يعني ايه ..هااقول اهو ماتسربعنيش هههه..