عبر المخرج والنائب خالد يوسف عن أسفه الشديد لرحيل الناشط المعارض شادي حبش في محبسه بسجن طرة بعد مضي سنتين على حبسه دون محاكمة في مخالفة صريحة للقانون, بسبب عنائه لأغنية احتوت على سباب و انتقادات و نشر خالد يوسف عبر منتدى قناته الرسمية على يوتيوب منشورا كتب فيه:
شادي_حبش شاب صغير ٢٢ سنة قضي منهم سنتين محبوس دون محاكمة في مخالفة صريحة لصحيح القانون ومات النهاردة في محبسه… شادي اتحبس عشان شارك في كليب بيسب ويلعن بس مامسكش سلاح وضربه في ابطالنا في سينا ولا فجر قنبلة في شارع فمات ابرياء.. ويرجعوا يقولوا هو الارهاب مستمر ليه ..اكيد الارهاب مستمر لاسباب كتيرة يطول شرحها بس المؤكد برضه ان سد بوابات الامل امام شباب صغير واللي ينطق بكلمة انتقاد منهم او معارضة يتحبس ويمكن يموت في السجن ده يخلي اي شاب له تفكير مختلف صيد سهل للارهابين اعداء الحياة..ربنا يصبر اهلك ياشادي ..
افتحوا منافذ ومسامات الامل في جسد الامة قبل ان يفوت الاوان ..#الحرية_لسجناء_الرأي