انتقد المخرج خالد يوسف دعوات وقف برنامج «رامز مجنون رسمي» الذي يُعرض خلال الموسم الرمضاني الحالي عبر قناة
«mbc مصر».
وقال «يوسف» عبر «فيسبوك»: «ده مبدأ ولا أحيد عنه لأن التحكم في أذواق الناس مش من حق أي حد. برنامج رامز جلال قايم على تمثيل الضيف إنه قال يعني آخد مقلب، ولو تجاوز رامز معاه هما أحرار مع بعض».
أضاف: «الضيف جاي بإرادته وعارف اللي هيحصل وواخد فلوس ورامز واخد فلوس والشركة المنتجة بتكسب فلوس والقناة بتكسب فلوس الإعلانات والمعلنين نفسهم بيكسبوا فلوس أكتر من كل دول والمشاهدين أحرار وعاملينه تريند يوميا».
تابع: «أما بقي اللي يقولي إهدار منظومة القيم وكلام من التخين ده أقوله عندك مليون حاجة أهم مليون مرة من برنامج بتهدر فيها القيم ومبتنطقش خوفا أو إيثارا للسلامة، فبلاش ندعي بطولات كاذبة».
كانت نقابة الإعلاميين قررت منع ظهور رامز جلال في أي وسيلة إعلامية تُبث من داخل مصر لحين توفيق أوضاعه القانونية.
وقالت مجموعة
«MBC»
إن قرار نقابة الإعلاميين خاص بالوسائل الإعلامية التي تبث من داخل مصر، وهو لا ينطبق على مجموعه قنوات
«MBC»
، حيث أنها مجموعة قنوات غير مصرية وتبث من دولة الإمارات العربية المتحدة وفقاً للقوانين المُتبعة.